Scanafbeelding
Hier begint dat boec Genesis, dat eerste boec Moysi.
§ Hoe die werelt geschapen wert, ende alle die creaturen, ende die wercken der ses daghen.
§ Dat eerste Capit.
A [1]INden beghinne schiep God * hemel ende aerde.) [2]Ende die aerde was * ydel) ende ledich, ende die duysternissen waren opt aensicht des afgronts Ende Gods * gheest) dreef opt * watere.) [3]Ende God sprack, Latet licht gemaect worden, Ende het licht wert gemaect, [4]Ende God sach, dat licht, dattet goet was, ende * scheyde) dlicht vanden duysterheden, [5]Ende naemde dlicht, den Dach, ende die dusternissen, den Nacht, [1] Ende het is gheworden auont ende morghen, den eersten dach.
[volgende kolom]
[6]Ende God sprack, Het worde ghemaect een Firmament [2] tusschen die wateren, ende scheyde die wateren vanden wateren, [7]Ende God maecte dat firmament, ende hi schiet die wateren die onder dat firmament waren vanden wateren die bouen dat firmament waren, Ende tgeschiede also, [8]Ende God namede dat firmament, den Hemel, Ende het is geworden auont ende morghen, [3] den tweeden dach.
[9]Ende God sprack, Die wateren die onder den hemel zijn, laet verghadert worden, op een bisondere stede, datmen dat drooge sie, Ende het geschiede also, [10]Ende God naemde die drooghe plaetse, Aerde, ende die vergaderinge des waters, naemde hi die Zee, Ende God sach dattet goet was, B [11]Ende God sprac, Daerde brenghe voort * groeyende cruyt) voortbrengende zaet, ende vruchtbare boomen, dat een yegelijc naer zijnder aert vrucht drage, ende hebbe zijn eyghen zaet bi hemselfs, op-
[v1] *h. die hemelen ende aerde
[v2] *the. woest Psalmo lxxxviij.
*the. gheest oft wint
*h. aensicht der watren Ieremi. x.
[v4] *theb. God scheyde
[v5] [1]Den eersten dach
[v6] [2]firmament is een veste, oft dat vaste maket.
[v8] [3]Den twesten dach
[v11] *theb. gras ende cruyt
Uit: Vorstermanbijbel (1528/1531)
© (transcriptie) 2012 Nicoline van der Sijs & Hans Beelen